Fransiýanyň “PSŽ” topary bilen Saud Aranystanynyň “Al-Hilal” topary meşhur brazil futbolçysy Neýmaryň transferi babatda ylalaşdy.
Sport neşirleriniň habar bermegine görä, iki toparyň arasynda gazanylan ylalaşyga görä, 31 ýaşyndaky brazil futbolçy saud toparyna geçer. “PSŽ” topary “Al-Hilal” toparynyň teklibini makullady.
Neýmaryň özi hem bu teklibine oňyn garady. Neýmaryň häzirki wagtda çykyş edýän fransuz topary bilen şertnamasynyň möhleti 2027-nji ýylyň tomsunda tamamlanýar.
Neýmar täze toparynda 2 ýylda 160 million ýewro gazanar.
Ol 2017-nji ýylda Ispaniýanyň “Barsleona” toparyndan “PSŽ” toparyna 222 million ýewro geçipdi we dünýä futbolynyň taryhyndaky rekord bolupdy. Brazil futbolçy fransuz toparynyň düzüminde 173 duşuşykda oýnap, 118 gezek tapawutlandy.