Gadymy Müsüriň faraonynyň mumiýalanan bedeni kompýuter tomografiýasynyň kömegi bilen ilkinji gezek öwrenildi. Köp müňýyllyklardan soňra, ýagny biziň eýýamymyzdan öň 1525-1504-nji ýyllarda Müsürde faraon bolan Amenhotep I bedeni boýunça ylmy-barlag işleri geçirildi.
Şonuň netijesinde köp zatlar öwrenildi. faraonyň ýüregi saklanyp galypdyr, onuň beýleki içgi organlary bolsa ýerinden çykarylyp, şol boşluklar mata bilen doldurylypdyr.
– Faraon 35 ýaşynda aradan çykypdyr. Onuň boýunyň uzynlygy 169 santimetr bolupdyr. Onuň dişleri sagdyn eken. Bedeni doga-tumar hem-de altyn kemer bilen bezelipdir. Beýnini kelle çanagynyň içinden tapdyk, mumiýalaşdyrylmazdan ozal aýrylmandyr, başga mumiýalarda görülmedi. Şeýle hem jesediň Osiris görnüşinde mumiýa edilendigini gördük – diýip, Müsüriň gadymylyk boýunça ozalky ministri, arheolog Zahi Hawass gürrüň berdi.