Belli portugal tälimçi Žoze Mourinýo Italiýanyň “Roma” toparynyň tälimçisi wezipesinden boşadyldy. Bu barada italýan toparynyň metbugat gullugy habar berýär.
– Biz Žozeniň işine bolan ygrarlylygy üçin minnetdarlyk bildriýäris. Bize ol barada hemişe ýakymly ýatlamalar galar. Ýöne biz toparyň bähbitleriniň üýtgedilmegini zerur hasaplaýarys. Biz Žoze we onuň toparyna geljekde uly üstünlikleri arzuw edýäris – diýip, toparyň eýeleri Den we Raýan Fridkinler belläp geçdi.
Žoze Mourinýo 2021-nji ýylda “Roma” toparynyň tälimçiligine bellendi. 60 ýaşyndaky hünärmeniň ýolbaşçylygynda “Roma” topary 2022-nji ýylda ilkinji gezek geçirilen Konferensiýa ligasynda çempion bolupdy.
Tälimçilik eden döwründe köp sanly toparlar bilen uly ýeňişler we üstünlikler gazanan Mourinýo 2017-nji ýylda Ýewropanyň futbol assosiasiýalarynyň geňeşi tarapyndan Ýewropanyň futbolyna uly goşant goşandygy üçin iň meşhur tälimçileriň onlugyndaky sanawyna girizdi.