Golliwudyň dünýä belli ýyldyzy Leonardo Di Kaprionyň dürli filmlerde döreden keşplerine siz hem uly söýgi bilen tomaşa edensiňiz. «Titanikden» soň has uly şöhrata eýe bolan aktýor, aslynda, käbir döreden keşplerini halanok. Eýsem ol haýsy filmdäki keşbini halamaýarka?

Bu sowala aktýoryň özi jogap berdi. Metbugata beren interwýusynda ol «Dons Plam» çaýhanasy» filminde döreden keşbini halamaýandygyny aýtdy. Aktýoryň ýaşlyk ýyllarynda, heniz tejribesizkä döreden bu keşbinde, onuň pikirine görä, tejribesizlik öz ýüzüni doly görkezipdir.

― Men bu keşbe bary-ýogy bir gije taýýarlandym. Onda-da ony öz başardygymdan döretmäge çalyşdym ― diýip, aktýor film barada gürrüň berýär.

Ýeri gelende aýtsak, bu film 1995 ― 1996-njy ýyllarda surata düşürildi. Şol wagt Di Kaprio 21 ýaşyndady.