Türkmenistanyň Prezidenti Tatarystan Respublikasynyň döwlet geňeşçisi Mintimer Şaýmiýewe hem-de “Gazprom” açyk görnüşli paýdarlar jemgyýetiniň müdiriýetiniň başlygy Alekseý Millere telegrammalar iberdi. Bu barada “Watan” habarlar gepleşiginde bellenilip geçilýär.
Hususan-da Russiýa Federasiýasynyň Tatarystan Respublikasynyň döwlet geňeşçisi Mintimer Şaýmiýewe iberilen telegrammada milli Liderimiz onuň däp bolan dostlukly, netijeli türkmen-tatar gatnaşyklaryň ösdürilmegine goşan şahsy goşandyny belledi. Pursatdan peýdalanyp, döwlet Baştutanymyz Mintimer Şaýmiýewi 85 ýaşy bilen hem-de “Keramtly Apostol Andreý Perwezwannyý” ordeni bilen sylaglanmagy mynasybetli gutlady.
Alekseý Millere iberilen telegrammada milli Liderimiz “Gazprom” açyk görnüşli paýdarlar jemgyýetiniň gaz ulgamynda ýurdumyzyň öňden gelýän hem-de möhüm hyzmatdaşydygyny kanagatlanma bilen belledi.
Döwlet Baştutanymyz Russiýanyň iri kompaniýasynyň ýolbaşçysynyň energetika ulgamyndaky ikitaraplaýyn hyzmatdaşlygyň ösdürilmegine goşandyny belläp, köp ýyllyk bilelikdäki işiň dowamynda özara gatnaşyklaryň netijeli nusgasynyň kemala gelendigini hem-de özara bähbide, şeýle hem ynanyşmaga esaslanýan hyzmatdaşlygyň oňyn tejribesiniň toplanandygyny nygtady.
Dörän mümkinçilikden peýdalanyp, milli Liderimiz Alekseý Milleri 60 ýaş ýübileýi hem-de Russiýa Federasiýasynyň Zähmet Gahrymany diýen belent adyň dakylmagy bilen gutlady.
Serdar Berdimuhamedow Türkmenistanyň Prezidentligine dalaşgärlige hödürlenildi