Köp ýyllaryň dowamynda Argentinanyň milli ýygyndysy bilen kubok gazanmandygy üçin tankytlanan Lionel Messi soňky 2 ýylyň dowamynda Argentina bilen 2 kubok gazandy. Ilki bilen, Amerikanyň kubogyny gazanan Messili Argentina düýn bolsa, “Finallisma-2022” kubogyny gazandy.
“Finallisma-2022” kubogy Ýewropanyň çempiony bolan Italiýa bilen Amerikanyň kubogynyň eýesi Argentinanyň arasynda geçirildi. Lionel Messiniň 2 gezek netijeli pasy bilen bu duşuşykda Lautaro Martines, Anhel Di Mariýa we Paulo Dibala tapawutlandy.
Argentinanyň 3:0 hasabynda gazanan ynamly ýeňşi bilen Lionel Messi milli ýygyndy bilen 2-nji, umumylykda 40-njy kubogyny gazandy. Messini kubok gazanmakda Dani Alwes geçýär. Alwesiň gazanan kuboklarynyň sany bolsa 43-e deňdir.