Dünýäniň iň gowy iki futbolçysy hökmünde görkezilýän argentinaly Lionel Messi bilen portugaliýaly Kristiano Ronaldonyň futbol toparlarynyň düzüminde geçiren gollarynyň sany deňleşdi. Her iki futbolçy garşydaş toparlarynyň derwezesinden 626 gol geçirdiler.
Geçen hepde Ispaniýanyň çempionatynda “Barselona” topary “Eýbar” topary bilen duşuşyp, oýun 5:0 hasabynda katalonlaryň üstünligi bilen tamamlandy. Bu duşuşykda Lionel Messi birnäçe oýundan soňra 4 gezek tapawutlandy. Kristiano Ronaldo bolsa Italiýanyň çempionatynda “Ýuwentus” bilen SPAL toparlarynyň arasyndaky duşuşykda 1 gezek tapawutlandy. Şeýlelikde olaryň geçiren gollaryň sany deňleşdi.
Kristiano Ronaldo “Real Madrid” toparynda oýnan döwründe 450 gol, “Mançester Ýunaýted” toparynyň oýnan döwründe 118 gol, häzir çykyş edýän “Ýuwentusyň” düzüminde 53 gol, futbola başlan “Sporting” toparynyň düzüminde 5 gol geçirdi. Ronaldo bu gollary geçirmek üçin 833 duşuşykda oýnamaly boldy.
Lionel Messi bolsa 626 goly 715 duşuşykda geçirmegi başardy.