Paýtagtymyzdaky “Aşgabat” köpugurly stadionynda AFK-nyň Kubogy – 2023-iň toparçalaýyn bäsleşiginiň çäginde duşuşyklaryň ikisi geçirildi. AFK Kubogy 2023/24-iň Merkezi zolagynyň «E» toparçasynyň bäşinji tapgyrynyň çäginde geçirilen ilkinji duşuşykda “Merw” bilen Täjigistanyň “Rawşan” topary duşuşdy. Duşuşykda “Merw” gök köýnekçede, “Rawşan” topary bolsa gyzyl köýnekçede meýdana çykdylar.
Duşuşyk 1:1 hasabynda deňme-deň tamamlandy. Täjik toparynyň düzüminde tanzaniýaly futbolçy Emmanuel Mwanengo 43-nji minutda tapawutlandy. “Merw” topary bolsa, 65-nji minutda Ýagşisähet Döwletgeldiýewiň goly bilen hasaby deňledi.
Toparçanyň jemleýji duşuşygy 14-nji dekabrda geçiriler. Şonda Tajigistanyň “Rawşan” topary Türkmenistanyň “Altyn Asyr” toparyny kabul eder.
Türkmenistanyň“Altyn Asyr” topary Gyrgyz Respublikasynyň “Abdyş-Ata” topary bilen duşuşdy. Bu duşuşyk gyrgyz toparynyň 4:2 hasaply ýeňşi bilen jemlendi.