Absolýut söweş çempionatynyň (UFC) öňki çempiony, irlandiýaly Konor Makgregor amerikaly Maýkl Çendlere garşy tutuluşyga çykar. Bu barada Makgregor özüniň jemgyýetçilik torunda habar berdi.
Makgregoryň habar bermegine görä, bu tutluşyk 29-njy iýunda Las-Wegasda geçiriler.
35 ýaşyndaky Makgregor garyşyk söweş sportunda 22 ýeňiş gazanyp, 6 gezek ýeňildi. Ol 2015-nji ýylda Absolýut söweş çempionatynyň (UFC) ilkinji derejesini aldy we irlandiýaly türgen bu çempionatyň taryhynda hem ýeňil hem-de ýarym ýeňil agramda çempionlyk derejesine eýe bolan ilkinji türgendir.
Ol soňky tutluşygyny 2021-nji ýylyň iýulynda amerikaly Dastin Porýe bilen geçirip, şol tutluşykda hem aýagyny döwdüripdi.