Angliýa ligasynyň kubogyny finbal duşuşygy geçirildi. Adatça, Angliýanyň futbol çempionatynda final ýaryşlary ýurduň taryhy stadiony hasaplanýan “Uembli” stadionynda geçiriler.
Bu gezek hem şeýle boldy. Angliýanyň ligasynyň kubogynyň finalynda “Liwerpul” topary bilen “Çelsi” topary duşuşdy. Örän çekeleşikli geçen duşuşygyň ýeňijisini 11-metrlik jerime urgulary kesgitledi.
Duşuşygyň esasy wagty, ýagny 90 minuty 0:0 hasabynda tamamlandy. Duşuşygyň tamamlanmagyna 10 minut wagt çemesi galanda “Liwerpul” hasaby açdy. Ilkibaşda gol hasap edildi, soňra “WAR” ulgamy bilen bu gol ýatyryldy.
Şeýlelikde, 90 minutda soňra goşmaça 30 minut wagt berildi. Şol döwürde “Çelsi” topary hem 2 gol geçirdi. Olar hem ofsaýd hökmünde hasap edilip, hasaba alynmady.
Goşmaça 30 minutdan soňra 11 metrlik jerime urgulary başlady. “Çelsi” topary bu 11 metrlik jerime urgularynda ýeňiş gazanmak maksady bilen 119-njy minutda gaty gowy oýun görkezen derwezebany Eduard Mendiniň ýerine Kepa Arrizabalagany oýna girizdi.
Kepa hem “Çelsiniň” ýeňilmeginiň sebäbi boldy. Meýdançadaky ähli futbolçylar 11 metrlik jerime urgulary dürs ýerine ýetirdiler. Nobat derwezebanlara geldi.
“Liwerpulyň” derwezebany Kuiwin Kelleher tapawutlandy. “Çelsiniň” derwezebany Kepa bolsa dürs ýerine ýetirip bilmedi.
Şeýlelikde, “Liwerpul” topary 11:10 hasabynda ýeňiş gazandy we 9-njy gezek bu kubogyň eýesi boldy. Bu rekord görkezijidir.
“Liwerpul” toparynyň tälimçisi Gurgen Klopp hem karýerasyndaky 10-njy kubogyny aldy.
28-nji fewral ýyldyzlar näme diýýär? Gündelik Täleýnama