Kuweýtiň Ministrler Kabineti mirasdüşer Şazada Şeýh Nawwaf al-Ahmad al-Jabir as-Sabahyň ýurduň täze Emiri bolandygyny yglan etdi.
Kuweýtdäki As-Seýf köşgünde Premýer-ministr Sabah al-Halid as-Sabahyň ýolbaşçylygynda adatdan daşary geçirilen mejlisde, Ministrler Kabinetiniň ýazmaça beýanynda, Konstitusiýanyň düzgünleri we Emiriň mirasy barada 1964-nji ýyldaky 4-nji Kanunyň 4-nji maddasyna laýyklykda, Şazada Şeýh Nawwaf al-Ahmed al-Jabir as-Sabah Kuweýtiň Emiri diýlip yglan edildi.
Kuweýtiň öňki Emiri Sabah al-Ahmed al-Jabir as-Sabah 91 ýaşynda aradan çykdy.
Kuweýtiň täze Emiri, 1937-nji ýylda doglan Nawwaf al-Ahmad al-Jabir as-Sabah, 1950-nji ýyla çenli 29 ýyl höküm süren Emir al-Ahmad al-Jabir al-Mubarek as-Sabahyň 6-njy ogly.
Täze Emir 1962-nji ýylda syýasy durmuşa baş goşup başlaýar. Nawwaf al-Ahmad al-Jabir as-Sabah 1991-nji ýyldan bäri Jemgyýetçilik meseleler we zähmet ministri, Goranmak ministri we Içeri işler ministri wezipelerinde işledi. 2006-njy ýylda Kuweýtiň mirasdüşer Şazadasy bellendi.
Ýurdumyzda we dünýäde bolup geçýän ykdysadyýete degişli täzeliklerden “habardar” bolmak isleýän bolsaňyz, bu sahypa Siziň üçin!
