«Liga 1»-iň üçünji tapgyrynda «Brest» bilen geçirilen (4:2) duşuşygyň düzümine alynmadyk PSŽ-niň hüjümçileri Messi bilen Neýmar Barselona şäherine gaýtdy.
«Mundo Deportivo»-nyň habaryna görä, olar Kastelfedels şäherçesine gelip, «Atletikonyň» hüjümçisi Luis Suaresiň myhmany boldular. Bu ýerde köne topardaşlar birek-birek bilen ýürekdeş söhbet etdiler.
Messi bilen Neýmaryň Pariže haçan gaýdyp barjakdygy heniz belli däl.
Bu üç futbolçynyň «Barselonada» bile çykyş edendigini ýatladýarys.