Angliýanyň “Liwerpul” toparynyň tälimçisi Ýurgen Klopp Angliýanyň “Premýer Liga” çempionatynyň iň gowy tälimçisi hökmünde saýlandy. Ol toparyny çempion edip hem bilmese-de, Angliýanyň şu möwsümdäki 2 kubogyny gazanmagyna goşant goşdy.
“Liwerpul” topary çempionlyk ýaryşynda “Mançester Siti” toparyndan 1 utuk yzda galyp, ikinji orny eýeläpdi.
Şeýle hem Kloppyň ýolbaşçylygynda “Liwerpul” topary UEFA-nyň Çempionlar ligasynyň finalyna çykdy.
54 ýaşly hünärmen karýerasynda ikinji gezek ýylyň iň gowy tälimçisi hökmünde saýlandy. Ol mundan ozal, 2020-nji ýylda şeýle derejä eýe bolupdy.
Kloppdan başga Angliýanyň milli çempionatynda bir gezekden köp iň gowy tälimçi derejesine eýe bolan tälimçiler – Aleks Fergýuson (11), Arsen Wenger, Žoze Mourinýo we Pep Gwardiola (3).
Şeýle hem Klopp Liganyň tälimçiler assosiasiýasy tarapyndan hem ýylyň tälimçisi saýlanypdy.