Türkmenistanyň ykdysady kuwwatyny has-da berkitmek hem-de gurluşyk serişdeleriniň görnüşlerini köpeltmek, şeýle hem Türkmenistanyň Senagat we gurluşyk önümçilik ministrliginiň 2020-2023-nji ýyllarda senagat we önümçilik desgalaryny gurmak hakynda Türkmenistanyň Prezidentiniň 2020-nji ýylyň 20-nji fewralynda çykaran 1676-njy Kararyny ýerine ýetirmek maksady bilen Türkmenistanyň Prezidenti Karara gol çekdi.
Resminama laýyklykda Senagat we gurluşyk önümçilik ministrligine Balkan welaýatynyň Balkanabat şäheriniň Jebel şäherçesinde bazalt inçe süýüminden, mineral pamykdan ses we ýylylyk saklaýjy materiallary öndürýän kärhanany gurnamak üçin enjamlary satyn almak, ministrligiň “Balkankän” müdirliginiň diwar materiallaryny öndürýän önümhanasynyň binasyny düýpli abatlamak hem-de enjamlary gurnamak babatda Italiýa Respublikasynyň “Gamma Meccanica Spa” kompaniýasy bilen şertnama baglaşmaga ygtyýar berildi.
Işleriň 2020-nji ýylyň oktýabrynda başlamak we kärhanany 2021-nji ýylyň oktýabrynda ulanmaga doly taýýar edip tabşyrmak bellenildi.
Bu baradaky resminama Ministrler Kabinetiniň mejlisinde gol çekildi.
Mälim bolşy ýaly, geçen hepdedäki Ministrler Kabinetiniň mejlisinde hem ses we ýylylyk saklaýjy materiallary öndürýän kärhanany barada hasabat berlipdi.
Bulary hem okaň!
Ses we ýylylyk saklaýjy serişdeler öndüriler
Zähmet haklary ýokarlandyrmak: 2021-nji ýylyň býujeti
2020 ýyly üçin ykdysady çaklamalary
Birža paýdarlar jemgyýetine öwrüler: Paýnamalar hususy tarapa satylar
Saýtymyzyň wideo habarlar sahypasy –geljekde iň işjeň sahypalaryň biri bolsa gerek. Häzirki döwürde bu sahypamyza birnäçe wideo rolik ýerleşdirilendir.
Hukuk we beýleki ugurlara degişli peýdaly maslahatlaryň jemlenen sahypasy-peýdaly maslahat sahypasy
