Ýaponiýaly tennisçi Naomi Osaka soňky bir ýylyň dowamynda gazanan 37,4 million dollar möçberindäki girdejisi bilen dünýäniň iň köp gazanan zenan türgeni boldy.
”Forbes” žurnaly zenan türgenleriň aýlyk haklary, hemaýatkärlerden gazanan girdejileri we beýleki girdejilerini hasaplap, iň köp gazanan türgenleriň sanawyny taýýarlady. Şol sanawda kerweniň başyna ýapon tennisçi geçdi.
Ol 4 ýyldan bäri bu sanawda öňdeligi eýeläp gelýän ABŞ-ly tennisçi Serena Uilýamsdan öňe saýlandy.
Şeýle hem Osaka 2015-nji ýylda 29,7 million dollar girdeji gazanan rus türgen Mariýa Şarapowa hem öňe saýlanyp, ähli döwürleriň iň köp gazanan türgeni boldy.
ABŞ-daky we Awstraliýadaky açyk çempionatynda ýeňiji bolan ýapon tennisçi 2018-nji ýylda 24.3 million dollar gazanypdy.