Hytaý Halk Respublikasynyň hökümeti pandemiýa garşy göreşmek üçin ösüp gelýän ýurtlara 3 milliard dollar maliýe kömegini bermegi meýilleşdirýär.
Hytaý bu babatda 300 million doza möçberinde waksina kömegini etdi we mundna beýläk-de öz güýjüniň ýetidiginden şeýle lukmançylyk serişdeleriniň kömegini bermegi göz öňünde tutýar. Bu barada HHR-iň Başlygy Si Szinpin habar berdi.
Hytaýyň hökümeti öňümizdäki 3 ýylyň dowamynda ösüp gelýän ýurtlara pandemiýa we onuň ykdysadyýete ýetiren täsirini azaltmak üçin alnyp barylýan göreş üçin 3 milliard dollar maliýe kömegini göz öňünde tutýar.
Si Szinpiniň aýtmagyna görä, Hytaý häzirki wagtda dürli ýurtlara 300 million doza Kowid-19-a garşy sanjym berdi we ýene-de şeýle serişdeleriň köp möçberini bermegi meýilleşdirýär. Şeýle hem Hytaýyň hökümeti ösüp gelýän ýurtlarda waksina önümçiligi üçin tehnologiýa kömegini hem bermegi meýilleşdirýär.