Hytaý, Gazagystan, Gyrgyzystan, Türkmenistan, Täjigistan we Özbegistan altytaraplaýyn hyzmatdaşlygyň sekretariatyny döredýär. Bu sekretariaty döretmek boýunça dabara şu gün Sian şäherinde geçiriler. Bu barada Hytaýyň daşary syýasat edarasynyň resmi wekili Lin Szýan belledi.
4 ýyl mundan ozal, Hytaý bilen Merkezi Aziýa döwletleri bilelikdäki hyzmatdaşlyk dialogyny döretdi. Täze dörediljek sekretariat hytaý bilen Merkezi Aziýanyň arasyndaky hyzmatdaşlygyň ösdürilmegine goşant goşar.
Resmi wekiliň bellemegine görä, geçen ýyl Sianda Hytaý-Merkezi Aziýa sammiti ýokary derejede geçirildi we bu bu hyzmatdaşlygy döwlet baştutanlary derejesine çykaryp, Hytaý-Merkezi Aziýa hyzmatdaşlygynda täze döwrüň başlangyjy boldy.
Hytaýyň daşary syýasat edarasynyň maglumatyna görä, Hytaý bilen Merkezi Aziýanyň arasynda söwda dolanyşygy 90 milliard dollara deň bolup, 27,2 göterim ösüş gazanyldy. Ykdysadyýet, söwda, energetika, oba hojalygy ýaly ugurlardaky hyzmatdaşlyk ýokary sepgitlere ýetdi. Ýokary tehnologiýalar, ýaşyl ykdysadyýet we elektron söwda ulgamlarynda hyzmatdaşlyklar pugtalandyrylýar.
Ulag ulgamynda hem hyzmatdaşlyklar ösdürilip, Hytaý-Gyrgyzystan-Özbegistan, Hytaý-Täjigistan ýaly taslamalar durmuşa egçirilýär. Hytaý bilen Merkezi Aziýanyň arasyndaky ýolagçy gatnawlaryň sany 68-e ýetirildi.
Şeýle hem Hytaý bilen Merkezi Aziýa döwletleriniň şäherleriniň arasynda doganlaşan şäherleriň sany 80 jübüte ýetdi.