Şu ýylyň 20-22-nji fewraly aralygynda Kataryň paýtagty Doha şäherinde Gaz eksportirleýän ýurtlaryň forumyna gatnaşyjy döwletleriň Baştutanlarynyň VI sammiti geçirildi.
Oňa foruma agza ýurtlaryň – Eýranyň, Alžiriň, Müsüriň, Liwiýanyň, Nigeriýanyň, Kataryň. Russiýanyň, Wenesuelanyň, Trinidad we Tobagonyň hem-de guramanyň synçylary – Azerbaýjanyň, Yragyň, Malaýziýanyň, Norwegiýanyň, Perunyň we BAE-niň ýolbaşçylary we ministrleri gatnaşdy.
Gaz eksportirleýän ýurtlaryň forumyna gatnaşyjy döwletleriň paýyna dünýäniň tebigy gazynyň söwdasynyň 45 göterimi we dünýäniň tebigy gaz gorunyň 65 göterimi düşýär.
Bu forumy döretmek pikiri 2001-nji ýylda öňe sürüldi.
Gatnaşyjy we synçy döwletleriň ýolbaşçylarynyň gatnaşmagynda geçirilýän forum öndürýän ýurtlaryň we sarp edijileriň bähbidine tebigy gaz pudagynyň bilelikdäki ösüşini gowulandyrmakdan we berkitmekden ybaratdyr.
Foruma gatnaşyjy ýurtlaryň ýolbaşçylary eden çykyşynda tebigy gaz geljegiň energiýasyny emele getirýändigini we ony koronawirus pandemiýasyndan soň ykdysady dikeldişiň kyn ýolunda ulanmalydyklaryny bellediler.
 Türkmenistanyň Prezidenti Ãaponiýanyň Imperatoryny doglan güni bilen gutlady