Soňky ýyllarda köp sanly iri sport ýaryşlaryny kabul edýän Saud Arabystanynyň paýtagty Er-Riýad şäherinde bu gezek boks gijesi boldy.
Dünýä belli futbolçy Kristiano Ronaldonyň hem-de Konor Makgregoryň tomaşaçy hökmünde gatnaşan boks gijesinde Dmitriý Biwol britan boksçy Lindon Artury ýeňdi. Jozef Parker Deonteý Uaýlderi, Entoni Joşua bolsa, Otto Wallini ýeňdi.
Boks tutluşyklarynyň iň esasylarynyň biri Dmitriý Biwol bilen Lindon Arturyň arasyndaky tutluşyk boldy. Bu tutluşyk emin agzalarynyň biragyzdan alan karary esasynda Biwolyň ýeňşi bilen tamamlandy.
Biwol WBA Super kemerini 6-njy gezek goramagy başardy. Ol “IBO” kemeriniň eýesi britan boksçy Arturdan üstün geldi.
Ronaldo Saud Arabystanda geçirilýän iri boks tutluşyklaryna yzygiderli gatnaşýar.