Kaliforniýa uniwersitetiniň San-Diýego lukmançylyk fakultetiniň alymlary tarapyndan geçirilen täze ylmy gözlegde, emeli aňyň (intellektiň) adamlaryň ýalňyzlyk derejesini ses äheňinden we soraglara jogaplaryndan ölçäp boljakdygyny anyklandy.
“Tebigy dilleri gaýtadan işlemek” (Natural language processing) emeli aňyň iň esasy ugurlaryndan biridir. “Tebigy dilleri gaýtadan işlemek”, kompýuterleriň söz we ýazuw tekstini tanamak, düşünmek we jogap bermek ukybydyr. Adamlar biri-birleri bilen has aňsat aragatnaşyk gurup biler, şeýle-de adamlar maşynlar bilen sagdyn aragatnaşyk saklar ýaly, tebigy dilleri gaýtadan işlenilýär. Esasanam soňky hepdelerde “OpenAI” kompaniýasynyň neşir eden “GPT3” bilen, maşynlar indi adamlar ýaly owadan jümleleri gürläp bilerler we Möwlananyň Mesnewisinden bir bent berseňiz, size şol bir derejede jogap berip bilerler. Arzalaryňyzy ýa-da kompýuter programmasyny ýazyp, siziň wagtyňyzy tygşytlap biler.
“Tebigy dilleri gaýtadan işlemek” bilen, resminamalary we gepleşikleri sekuntda bir dilden beýlekisine terjime edip bileris. Başga dillerde ýazylan kitaplary öz dilimizde ýazylan ýaly okap bileris
Banklaryň ýa-da beýleki merkezleriniň telefonlaryna “Tebigy dilleri gaýtadan işlemek” bilen jogap berip bileris. Şeýlelik bilen, müşderiler hakyky adam bilen iş salyşmazdan, enjam bilen öz meselelerini çözüp bilerler. Sekuntda müňlerçe kitaby jemläp bileris we sosial mediýada paýlaşylan makalalary we wideolary seljerip, ulanyjylaryň haýsy syýasy garaýyşlara ýakyndygyny çaklamalar edip bileris. Elektron poçta, heläkçilik we lukman hasabatlaryna, polisiýa ýazgylaryna we kazyýet resminamalaryna tebigy dilleri gaýtadan işlemek bilen düşünip we toparlara bölüp bileris we töwekgelçilik derňewini geçirip bileris.
Bu mysallardan görnüşi ýaly, emeli aň we “Tebigy dilleri gaýtadan işlemek” işimizi aňsatlaşdyrýar.
Tehnologiýa dünýäsinde bolup geçýän wakalar we täze açyşlar bilen gyzyklanmaýan okyjy ýok bolsa gerek!
