BIZNES

Tatarystan Türkmenistan bilen ykdysady hyzmatdaşlygy giňeltmäge taýýar

Tatarystanyň Premýer-ministriniň orunbasary – senagat we söwda ministri Oleg Korobçenkonyň ýolbaşçylygyndaky Tatarystany[ wekiliýeti  Söwda-ykdysady, ylmy-tehniki we medeni hyzmatdaşlyk boýunça bilelikdäki türkmen-tatar iş toparynyň X mejlisine gatnaşmak üçin Aşgabada geldi. Bu barada Tatarystan Respublikasynyň Senagat we söwda ministrliginiň Telegram-kanaly habar berdi.

Tatarystanyň wekilleri Türkmenistanyň resmi wekilleri, şeýle hem “Türkmennebit”, “Türkmengaz” döwlet konsernleriniň, “Türkmenenergo” DÄK-niň, Söwda-senagat edarasyny[ we ýurduň Senagatçylar we telekeçiler birleşmesiniň wekilleri bilen duşuşyklary geçirdiler. Taraplar geljekki hyzmatdaşlygyň mümkinçiliklerini ara alyp maslahatlaşdylar.

Oleg Korobçenko Tatarystanyň kompaniýalarynyň eýýäm Türkmenistanyň çäginde birnäçe uly we geljegi uly taslamalary durmuşa geçirýändiklerini nygtady. Tatarystan türkmen hyzmatdaşlary bilen ykdysady we maýa goýum gatnaşyklaryny, ilkinji nobatda maşyn gurluşygy, energetika we nebit önümçiligi ugurlarynda giňeltmäge gyzyklanýar.

Şeýle saparlar “Halkara hyzmatdaşlyk we eksport” atly milli taslamanyň maksatlaryna ýetmäge ýardam edýär.

Related posts

“Iran Agro Fud” atly Eýranyň 16-njy ýöriteleşdirilen sergisi geçirilýär

Ata Watan Eserleri

Türkmenistanyň wekiliýeti Hytaýyň Söwda ministrligi bilen wideoaragatnaşyk arkaly duşuşdy

Türkmenistan 2027-nji ýylda TOPH arkaly Owganystana gaz ibermegi meýilleşdirýär