Dünýäniň iň uly Roždestwo arçasynyň çyralary ýakyldy

Nýu-Ýork şä­he­rin­de Manhetten sebitindäki dünýäniň iň uly  baş Rož­dest­wo ar­ça­sy­nyň müň­ler­çe çy­ra­sy­nyň ýa­ky­lyş da­ba­ra­sy bol­dy. Şä­he­riň mer­ke­zi kö­çe­le­ri­niň bi­rin­dä­ki Rok­fel­ler mer­ke­ziň öňün­de gu­ra­lan da­ba­ra ýüz­ler­çe adam gat­naş­dy.

Ag­ra­my 12 ton­na bo­lan 24 metr­lik ar­ça­ny 11-nji no­ýabr­da Nýu-Ýork şta­ty­nyň Kwinsberi şäherinden ge­tir­di­ler. Onuň be­ze­gi üçin 50 müň­den gow­rak dür­li reňk­li lam­pa­lar­dan yba­rat bo­lan, tak­my­nan, 8 ki­lo­metr uzyn­lyk­da­ky be­zeg çy­ra­sy ge­rek bol­dy. Ar­ça­nyň çür de­pe­si­ni “Swa­rovski” şe­re­ke­ti­niň 3 mil­li­on bil­lu­ry bi­len zy­nat­la­nan 400 ki­log­ram­dan gow­rak ag­ram­ly hrus­tal ýyl­dyz be­ze­di.

Ar­ça­nyň çy­ra­la­ry ýa­kyl­maz­dan öň kon­sert gu­ral­dy. Rož­dest­wo ar­ça­sy Täze ýyl baýramçylygyn açenli her gün sagat 17:00-00:00-a çenli ýakylar. 31-nji dekabrda bolsa, 24 sagat ýakylyp durar.

Nýu-Ýorkuň merkezinde Rož­dest­wo ar­ça­sy­ dikmek däbi 1930-njy ýyllaryň başynda ýola goýuldy. Il­kin­ji ge­zek 1931-nji ýyl­da Rok­fel­ler mer­ke­zi­niň gurluşyk meýdançasynyň öňün­de di­kil­di. 1933-nji ýyl­dan bä­ri çy­ra ýa­ky­lyş da­ba­ra­sy yzy­gi­der­li ge­çi­ril­ýär, 1951-nji ýyl­dan bä­ri bol­sa bu da­ba­ra te­le­wi­de­ni­ýe ar­ka­ly gör­ke­zil­ýär. Her ýyl millionlarça adam bu arçany synlamak üçin gelýär.