Sergide Amerikanyň “Aevum” kompaniýasy tarapyndan döredilen dünýäniň iň uly dron enjamy görkezildi. “Engadget” tehnologiýa täzelikleri we synlar üçin özboluşly blogynyň habar bermegine görä, “Ravn X” atly dron enjamy, emeli hemralary planetamyzyň daşyndaky orbita ibermek üçin ulanylar.
Doly özbaşdak işleýän uçarmansyz dron enjam, uzynlygy 1,6 km bolan uçuş-gonuş zolaklaryndan uçýar we özbaşdak gonup hem bilýär. Kompaniýanyň beýanatynda, “Ravn X” atly dron enjamy uzynlygy 24 metre, onuň ganatlary bolsa 18 metre barabar bolup, bu enjamyň dürli howa şertlerinde uçmaga mümkinçiligi bardyr.
“Aevum” kompaniýasynyň agzalýan bu dron enjamy üçin eýýäm 1 milliard dollarlyk şertnama gol çekendigi barada habar berilýär.
Saýtymyzyň döredijilik topary tarapyndan geçirilip gelinýän bäsleşikler boýunça degişli makalalary we habarlary “Ata Watan Eserleri” sahypamyzdan okap bilersiňiz. Bäsleşiklere gatnaşan eserleriň ählisi saýtymyzyň bu sahypasynda ýerleşdirildi.
