Dünýädäki iň gymmat awtoulagy hasaplanýan “Rolls-Royce Boat Tail” awtoulagy tanyşdyryldy. Beýik Britaniýanyň kaşaň awtoulag öndürijisi “Rolls-Royce” tarapyndan ýasalan dünýäniň iň gymmat awtoulagy bolan “Boat Tail” ulagyny ABŞ-dan meşhur aýdymçy jübüti Beýons we Jeý Z tarapyndan sargyt edilendigi aýdylýar.
Takmynan 40 sany “Rolls-Royce Phantom” limuzin görnüşindäki ulagyň bahasyna deň bolan we 20 million funt-sterlinge bahasy bolan täze ulag hemmeleri haýran galdyrdy.
Bahasy 20 million funt-sterling (28 million dollar) bilen bu ulag 2019-njy ýylda bahasy 11,5 million funt-sterlinge deň bolan “Bugatti” kaşaň awtoulagyň “La Voiture Noir” modelinden öňe saýlandy.
“Rolls-Royce Boat Tail” ulagyň yzky tarapynda saýawan, holodilnik, dürli içgileri içmek üçin stol we beýleki enjamlar bar. Ol hem ulagyň hem kaşaňlygyny hem-de amatlylygyny alamtlandyrýar.
Awtoulagyň kapotynyň aşagynda 6,75 litrlik jübüt turbo V12 hereketlendirijisi bolup, ol 563 at güýjüne eýedir.
Maglumatlara görä, diňe ulagyň deslapky önümçilik işlerine 20 inžener gatnaşyp, olar 1 ýyldan gowrak wagt bu taslamanyň üstünde iş alyp bardy. Bu gymmat ulagdan 3 sanysy öndürildi.