Türkmen-britan diplomatiki gatnaşyklarynyň ýola goýulmagynyň 30 ýyllygyny bellemek üçin geçiriljek dabaralaryň çäginde, Beýik Britaniýanyň ilçihanasy “Creative Earth” atly sungat bäsleşigini yglan edýär.
Sungat bäsleşiginiň maksady Türkmenistanyň ýaş nesilleriniň howanyň üýtgemegi we daşky gurşaw meseleleri barada habarlylygyny görkezmek we bu meseleleriň çözgütlerini öňe sürmek arkaly ýaşlary döredijilikli çärelere höweslendirmekdir.
Bäsleşik 6-18 ýaş aralygyndaky ähli welaýatlardan gatnaşyjylara açykdyr:
Aşakdaky ýaş toparlarynyň hersinden bir ýeňiji saýlanar:
- 6-8 ýaş
- 9-12 ýaş
- 13-18 ýaş
Bäsleşige nähili gatnaşmaly?
Geljekde howanyň we Ýerdäki ekologiýa taýdan arassa durmuşyň nähili boljakdygyny göz öňüne getirşiňiz ýaly surat çekiň.Isle ýaşyl tokaýlar we baga bürenen şäherler bolsun, arassa howa we asman, gün panelleri we ýel turbinalary, az ýangyç sarp edýän we köp elektrikli awtoulaglar, arassa suw, gülläp ösýän hasylly meýdanlar, suwdan doly deňizlerdir derýalar ýa-da başga bir zady mysal getirip bilersiňiz.Planetamyzyň geljekde nähili görünmelidigini görkezýän döredijilikli we oýlap tapyjylykly suratlaryňyzy ýa-da çyzgylaryňyzy görmek isleýäris.Çeper eseriňiz bilen birlikde, emin agzalara ara alyp maslahatlaşmakda kömek eder ýaly (100 sözden köp bolmadyk şekilde) eseriňiziň beýanyny hem ibermegiňizi haýyş edýäris – Ýagny, siz näme üçin planetamyzyň geljegini suratlandyrşyňyz ýaly görýärsiňiz we göz öňüne getirýärsiňiz?
Eseriňizi bize iberiň
Çeken suratyňyzy surata düşürmeli we soňra ukembassy.ashgabat@fcdo.gov.uk e-poçta salgysyna “Creative Earth – <Adyňyz>” ady bilen ibermeli. E-poçtaňyzda ýaşyňyzy, ýaşaýan ýeriňizi we telefon belgiňizi hem görkezmegiňizi haýyş edýäris.Asyl nusgasy Aşgabat şäherindäki Ak Altyn myhmanhanasynyň ofis binasynda ýerleşýän Beýik Britaniýanyň ilçihanasyna getirilmeli ýa-da ýörite sargyt poçta arkaly bize iberilmeli.
Howlugyň! Ähli suratlar 2022-nji ýylyň 1-nji apreline çenli tabşyrylmaly we ýeňijiler soňrak yglan ediler.
Baýraklar
Üç ýeňiji ajaýyp, täze planşet alar! Ýeňijiler Beýik Britaniýanyň Ilçihanasynyň sosial media ulgamlarynda we ilçihanamyzyň täzelikler web-sahypasynda yglan ediler: https://www.gov.uk/world/turkmenistan/newsBaýrakdan başga-da, bäsleşigiň şowly ýeňijileri ilçihananyň dabaraly çärelerine gatnaşmaga çagyrylar.Bäsleşigiň iň gowy sungat eserleri şu ýyl ilçihanamyz tarapyndan gurnaljak çärelerde sergi ediler.
Birža täzelikleri: owgan telekeçileri suwuklandyrylan gazy satyn aldy