«Çal­sa­na, bag­şy!» bäs­le­şi­giniň Ahal welaýat tapgyry geçirildi

Ahal we­la­ýa­ty­nyň Änew şä­he­rin­dä­ki Me­de­ni­ýet öýün­de ýur­du­my­zyň du­tar­çy bag­şy-sa­zan­da­la­ry­nyň ara­syn­da yg­lan edi­len «Çal­sa­na, bag­şy!» at­ly bäs­le­şi­giň we­la­ýat tap­gy­ry ge­çi­ril­di. Türk­me­nis­ta­nyň Pre­zi­den­ti­niň «Türk­me­niň Al­tyn asy­ry» at­ly bäs­le­şi­giniň çä­klerin­de ge­çi­ril­ýän bäs­le­şi­giň bu tap­gy­ry­ny we­la­ýa­tyň Me­de­ni­ýet mü­dir­li­gi gu­ra­dy. Oňa bäs­le­şi­giň şä­her­dir et­rap tap­gyr­la­ryn­da öňe saý­la­nan bag­şy-sa­zan­da­la­ryň je­mi 20-si gat­naş­dy.

Bäs­le­şi­ge to­ma­şa et­mä­ge ýyg­na­nan köp san­ly il­deş­le­ri­miz mil­li saz gu­ral­la­ry­ny, du­tar ýa­sa­mak se­net­çi­li­gi­ne de­giş­li es­bap­la­ry we beý­le­ki mil­li gym­mat­lyk­la­ry öz içi­ne al­ýan ser­gi­ni uly gy­zyk­lan­ma bi­len syn­la­dy­lar.

Bäs­le­şi­giň şert­le­ri­ne la­ýyk­lyk­da, bagşylar türk­men halk aý­dym-saz­la­ry­ny, mu­kam­çy kom­po­zi­tor­la­ryň dö­re­den eser­le­ri­ni ýe­ri­ne ýe­tir­mek­de öz­le­ri­niň ze­hin-ba­şar­nyklaryny gör­kez­di­ler.

Türk­men hal­ky­nyň baý geç­miş mi­ra­sy­ny, du­tar ýa­sa­mak se­net­çi­li­gi­ni, du­tar­da ýe­ri­ne ýe­ti­ri­ji­lik we bag­şy­çy­lyk sun­ga­ty­ny gel­jek­ki ne­sil­le­re ýe­tir­mä­ge, giň­den wa­gyz et­mä­ge, ha­ly­pa-şä­girt­lik däp­le­ri­ni pug­ta­lan­dyr­ma­ga, şeý­le-de tä­ze ze­hin­le­ri ýü­ze çy­kar­ma­ga gö­nük­di­ri­len öz­bo­luş­ly bäs­le­şi­giň do­wa­myn­da emin ag­za­la­ry ta­ra­pyn­dan bag­şy­la­ryň we sa­zan­da­la­ryň ara­syn­dan ýe­ňi­ji­ler kes­git­len­di.

Şeý­le­lik­de, bag­şy­la­ryň ara­syn­dan Gök­de­pe et­ra­byn­dan Bä­şim Ýo­la­ma­now, Sa­rahs et­ra­byn­dan Öwez­gel­di Ama­now, sa­zan­da­la­ryň ara­syn­dan Te­jen et­ra­byn­dan Ser­dar Sä­he­dow, Gök­de­pe et­ra­byn­dan Döw­let Da­ňa­ta­row ýe­ňi­ji bo­lup, döw­let de­re­je­sin­dä­ki jem­leý­ji bäs­le­şi­ge gat­naş­ma­ga hu­kuk ga­zan­dy­lar.

Ýe­ňi­ji­le­re Türk­me­nis­ta­nyň De­mok­ra­tik par­ti­ýa­sy­nyň we­la­ýat ko­mi­te­ti­niň, Kär­deş­ler ar­ka­la­şyk­la­ry­nyň we­la­ýat bir­leş­me­si­niň hem-de Mag­tym­gu­ly adyn­da­ky Ýaş­lar gu­ra­ma­sy­nyň we­la­ýat ge­ňe­şi­niň adyndan sow­gat­la­r gow­şu­ryl­dy.