Berkarar döwletiň täze eýýamynyň Galkynyşy döwründe günsaýyn ösýän we özgerýän ýurdumyzda bilim ulgamynyň işini döwrebap derejede ýola goýmak boýunça maksatnamalaýyn işler alnyp barylýar. Döwrümiziň bedew batly ösüşlere eýe bolmagynda bilimiň, ylmyň uly orny bardyr. Hormatly Prezidentimiziň innowasion tehnologiýalara esaslanýan ýaş hünärmenleri taýýarlamak, bilim bermek işini dünýä derejesine çykarmak baradaky beýik maksatlaryndan ugur alyp häzirki wagtda ulgamyň işine sanly tehnologiýalary giňden ornaşdyrmak boýunça işler durmuşa geçirilýär.
“Türkmenistanda sanly bilim ulgamyny ösdürmegiň Konsepsiýasyna” laýyklykda, tapgyrlaýyn esasda ýerine ýetirilýän işler özüniň oňyn netijelerini berýär. Arzuwlaryň wysala gowuşýan ata Watanymyzda ýaşlara bilim bermekde sanly tehnologiýalaryň orny örän uludyr. Uzak aralykdan bilim bermek, elektron maglumatlaryň elýeterliligini üpjün etmek maksady bilen döredilýän mümkinçilikler ulgamyň işiniň ilerlemegine ýardam edýär.
Bilim ulgamyna innowasiýalary we täze tehnologiýalary ornaşdyrmakda, dünýä tejribesine we ylmyň täze gazananlaryna esaslanyp, «Türkmenistanda daşary ýurt dillerini okatmagy kämilleşdirmegiň Konsepsiýasyny» iş ýüzüne geçirmekde uly işler alnyp barylýar.
Häzirki wagtda eziz Diýarymyzyň daýanjy bolan ýaş nesilleriň kämil terbiýeli şahsyýetler, işine ökde hünärmenler bolup ýetişmekleri babatynda beýik işler üstünlikli durmuşa geçirilýär. Bularyň hemmesi ýaş nesliň döwrebap bilim almagyna we terbiýelenmegine esas bolup durýar. Bu giň gerimli işler olaryň kämil terbiýeli, öz işine ussat hünärmen bolup ýetişmegine uly itergi berýär. Özleri baradaky aladalara jogap edip, hyjuwly bilim alýan ýaş nesillerimiziň döwrüň ösen innowasion tehnologiýalardan baş çykaryp, dünýä derejesindäki ýaryşlarda, olimpiadalarda baýrakly orunlara mynasyp bolmaklary türkmen halkymyzyň at-abraýyny has hem ýokarlandyrýar.
Häzirki ajaýyp döwrümizde kämil we döwrebap bilim almak we döredijilik mümkinçilikleriniň ösüş depgini ylmy-tehniki täzelikleriň ornaşdyrylmagy bilen has-da rowaçlanýar. Ýurdumyzda bilim ulgamyny ösen döwrüň talaplaryna laýyk has-da kämilleşdirmek ugrunda giň gerimli özgertmeler maksatnamasy durmuşa geçirilýär. Soňky ýyllarda döwrebap kompýuter tehnologiýalary, multimedia enjamlary bilen üpjün edilen orta, ýörite orta we ýokary okuw mekdepleri, ylmy-barlag merkezleri döredildi.
Gahryman Arkadagymyz dünýäniň gazanan öňdebaryjy tehnologiýalary esasynda ýurdumyzyň bilim ulgamynyň döwrebaplaşdyrylmagy üçin maksatnamalaýyn işleri durmuşa geçirýär. Eziz Diýarymyzyň okuwçy ýaşlarynyň häzirki zamanyň ösen tehnologiýalaryndan doly baş çykaryp bilmegini gazanmak üçin bilim ulgamynda giň möçberli işler amala aşyrylýar. Munuň özi sanly bilim ulgamyny ösdürmek, innowasion tehnologiýalary ornaşdyrmak ýaly işlerden ugur alýar.
Aslynda, bilim kämilligiň binýady. Ata-babalarymyz bilim bermegiň asylly ýörelgelerini kemala getiripdirler, kitap okap, kämil şahsyýetler bolup ýetişmekligi nesillere wesýet edipdirler. Häzirki bagtyýarlyk döwrümizde hem Gahryman Arkadagymyzyň tagallasy bilen pederlerimiziň wesýeti döwrebap görnüşde, häzirki zaman bilim ojaklarynda hem-de bilim boýunça amala aşyrylýan işlerde durmuşa ornaşdyrylýar.
Ýurdumyzda häzirki wagtda ýaşlara berilýän bilim we ylym olaryň geljekde ösen tehnologiýalardan oňat baş çykarýan hünärmenler bolup kemala gelmegini şertlendirýär. Şu nukdaýnazardan, Diýarymyzda mekdebe çenli çagalar edaralaryndan başlap, ýokary okuw mekdepleriniň ählisinde daşary ýurt dilleri giňden öwredilýär. Daşary ýurt dillerini öwrenmek boýunça okuw sapaklary guramaçylygy, işjeň häsiýeti, sanlylaşdyrylan usulyýeti bilen tapawutlanýar. Bu bolsa ýaş nesliň saýlap alan hünärlerini ele almaga, giň dünýägaraýyşly, sowatly, medeniýetli ýaşlar bolup ýetişmäge oňyn täsir edýär.
Laçyn Ramazanowa, TOHU-nyñ talyby.
Türkmenistanyň Prezidentiniň ÃeňiÅŸ güni mynasybetli Gutlagy