Onlaýn söwda platformasy bolan “Amazon” kompaniýasynyň esaslandyryjysy we ýolbaşçysy Jeff Bezosyň şahsy baýlygy 200 milliard dollardan geçdi. Ol şeýle görkezijä ýeten ilkinji adam boldy.
ABŞ-nyň elektron söwda kompaniýasynyň ýolbaşçysy Bezos koronawirus ýokanjynyň dünýäden giňden ýaýran döwründe baýlygynyň üstünde baýlyk goşdy. “Forbes” žurnalynyň habar bermegine görä, onuň baýlygy kompaniýanyň paýnamalarynyň 2 göterim gymmatlamagy bilen has-da ýokarlandy.
“Amazonyň” paýnamalarynyň 2 göterim ýokarlanmagy bilen Bezosyň baýlygy 4.9 milliard dollar artyp, 200 milliard dollardan gowrak boldy. Bezosyň baýlygy takmynan 205 milliard dollara deň boldy.
2020-nji ýylyň 1-nji ýanwarda emlägi 115 milliard dollara deň bolan Bezos 8 aýyň dowamynda takmynan 90 milliard dollar girdeji gazandy.
Bezosdan soňra 116,1 milliard dollar emlägi bolan Bill Geýts gelýär.