Beýik Britaniýaly milliarder, «Virgin Galactic» kompaniýasynyň ýolbaşçysy Riçard Brenson ýene sanlyja günden, ýagny 11-nji iýulda älem giňişligine çykjakdygyny habar berdi. Şeýlelikde, ol bu işi dünýäniň iň baý adamy ― «Amazon»-y esaslandyryjy Žeff Bezosdan öňürti amala aşyrar.
«Men muny hemişe arzuw edýärdim. Meni ejem hem goldady, ol maňa mydama ýyldyzlar barada gürrüň berýärdi. Arzuwym 11-nji iýulda amala aşar» diýip, 67 ýaşly millarder «Instagram»-daky sahypasynda ýazdy.
Şeýlelikde, Riçard Brenson «Virgin Galactic» kompaniýasynyň «Unity» suborbital gämisinde älem giňişligine çykjak 6 adamyň biri bolar.
Ýeri gelende aýdylmaly bolsa, kompaniýa «Twitter»-däki sahypasynda «11-nji iýul güni bize goşulyň we biziň birinji uçuşymyza şaýat boluň! Yzlygyna sanaw başlandy» diýip ýazdy.