Beýik Britaniýanyň Şa zenany Ýelizaweta II 2021-nji ýyldan başlap, Barbadosyň ýolbaşçysy bolup bilmeýär. Bu ada resmi taýdan respublika bolar. Bu barada Barbadosyň general-gubernatory Sandra Meýson ýerli parlamentiň güýzki mejlisinde eden çykyşynda belläp geçdi.
– Kolonial geçmişimizi doly terk etmegiň wagty geldi. Barbadosyň ýaşaýjylaryna öz döwlet Baştutany gerek. Barbados özüniň doly özygtyýarlylyga tarap logiki ädim äder we garaşsyzlygynyň 55 ýyllygynda respublika bolar – diýip, Sanrda Meýson belledi.
Karip deňziniň gündogaryndaky Barbados 1966-njy ýylda garaşsyzlygyny aldy. Ol Beýik Britaniýanyň ýolbaşçylygyndaky Arkalaşygyň düzümindäki garaşsyz döwlet. Ýurduň ýolbaşçysy Beýik Britaniýanyň Şa zenanydyr, oňa wekilçilik edýän general-gubernator bardyr. Adada 287 müň adam ýaşaýar.
Ylym we bilim baradaky habarlar, şeýle hem ýurdumyzda we daşary ýurtlarda bilim almak bilen baglanyşykly täzelikleri we maglumatlary bu sahypamyzdan tapyp bilersiňiz!
