Şu gün Abu-Dabi welosiped klubynyň ýaş welosipedçiler topary Türkmenistana geldi. Bu barada birleşen Arap Emirlikleriniň Türkmenistandaky ilçihanasynyň resmi jemgyýetçilik torunda habar berilýär.
Berlen beýanata görä, olar Türkmenistanyň welosiped federasiýasy bilen bilelikde Aşgabatda bu welosipedçiler üçin ýörite döredilen sport lagerinde – Olimpiýa şäherçesinde türgenleşerler we paýtagtyň ýollarynda welosiped sürerler.
Mälim bolşy ýaly, ozal hem Abu Dabi welosiped klubynyň wekiliýeti Aşgabada gelipdi. Wekiliýet Olimpiýa şäherçesindäki birnäçe sport desgalaryna, şol sanda welotrek, türgenleriň sagaldyş merkezine, dürli muzeýlere we atçylyk merkezine baryp görüpdi.
Iki ýurduň arasynda sport pudagynda, esasan hem welosiped sporty ugrunda hyzmatdaşlygy ösdürmek meýilleşdirilýär.