Ýurdumyzda azyk we oba hojalyk önümleriniň önümçiligi ýokarlandyrylmak babatda täze maksatnama taýýarlanýar. Bu barada sanly wideoaragatnaşyk arkaly geçirilen Ministrler Kabinetiniň mejlisinde bellenilip geçildi.
Azyk we oba hojalyk önümleriniň önümçiligini artdyrmagyň 2021-2025-nji ýyllar üçin maksatnamasyny taýýarlamak boýunça alnyp barylýan işler barada hasabat berildi. Daşary ýurtlardan getirilýän önümleriň ornuny tutýan önümçilikler döredilýär. Degişli önümleriň möçberleri yzygiderli artdyrylýar.
Ýurdumyzda azyk howpsuzlygyny üpjün etmek maksady bilen häzirki zaman maldarçylyk we guşçylyk toplumlary, ýyladyşhanalar we gaýtadan işleýän kärhanalar gurulýar. Miweli bag nahallary ekilýär. Munuň özi ýokary hilli ir-iýmişleriň önümçiliginiň artdyrylmagyna, içerki bazarda bolçulygyň üpjün edilmegine mümkinçilik berýär.
Azyk we oba hojalyk önümleriniň önümçiligini artdyrmagyň 2021-2025-nji ýyllar üçin maksatnamasynyň çäklerinde Senagatçylar we telekeçiler birleşmesiniň önümçilik taslamalarynyň 88-sini amala aşyrmak meýilleşdirilýär. Munuň özi diňe bir içerki bazarlary ýokary hilli önümleri bilen üpjün etmek bilen çäklenmän, eýsem onuň eksport mukdaryny artdyrmaga-da mümkinçilik berer.
Global pandemiýa şertleri tamamlanandan soňra haýsy ýurda syýahata gitsem diýýänler we syýahat etmegi söýýänleriň sahypasy
