Aziýanyň Kubogy-2023-iň saýlama tapgyrynyň geçiş tertibi mälim boldy. Bilşiňiz ýaly, Türkmenistanyň ýygyndy topary saýlama tapgyrynda “E” toparçada çykyş eder. Milli ýygyndymyzyň toparçadaky garşydaşlarynyň Bahreýniň, Malaýziýanyň hem-de Bangladeşiň ýygyndy toparlarydygyny ýatladýarys. Bu toparçadaky duşuşyklaryň hemmesi hem merkezleşdirilen görnüşinde Malaýziýanyň Kuala-Lumpur şäherinde geçiriler. Bu barada “tff.com.tm” internet neşirinde habar berilýär.
Türkmenistanyň milli ýygyndysynyň saýlama tapgyryndaky birinji garşydaşy ýer eýeleri Malaýziýanyň ýygyndy topary bolar. Bu duşuşyk şu ýylyň 8-nji iýunynda geçiriler. 11-nji iýunda Bangladeşiň milli ýygyndysynyň garşysyna meýdana çykjak ýygyndy toparymyzyň üçünji garşydaşy Bahreýniň ýygyndysy bolar (14-nji iýun).
Saýlama tapgyrynyň jemi boýunça Aziýa Kubogy-2023-iň final tapgyryna ýygyndylaryň 11-si gatnaşmaga (her toparçanyň ýeňijisi hem-de ikinji orny eýelän milli ýygyndylaryň bäşisi) mümkinçilik alarlar.
Aziýanyň Kubogy-2023. Saýlama tapgyr. “E” toparça.
1-nji tapgyr
8-nji iýun (çarşenbe)
Türkmenistan – Malaýziýa
Bahreýn – Bangladeş
2-nji tapgyr
11-nji iýun (şenbe)
Malaýziýa – Bahreýn
Bangladeş – Türkmenistan
3-nji tapgyr
14-nji iýun (sişenbe)
Malaýziýa – Bangladeş
Bahreýn – Türkmenistan