2024-nji ýylyň 7-nji fewralynda Azerbaýjanda nobatdan daşary prezident saýlawlary geçiriler. Bu barada degişli buýruga Azerbaýjanyň Prezidenti Ilham Aliýew gol çekdi.
Azerbaýjanyň metbugatyna görä, Merkez saýlaw toparyna 2024-nji ýylyň 7-nji fewralynda nobatdan daşary prezident saýlawlaryny Azerbaýjan Respublikasynyň Saýlaw kodeksinde kesgitlenen tertipde geçirmegi üpjün etmek tabşyryldy.
Saýlawlar 7-nji fewralda, ýagny çarşenbe güni geçiriler. Saýlaw kodeksine laýyklykda, ses berişligiň geçirilýän güni iş güni däl hökmünde göz öňünde tutulandyr.