121 ýyl ozal nemes himigi Feliks Hoffman aspiriniň patentini aldy. Germaniýanyň “Bayer” kompaniýasynyň işgäri hökmünde Hoffmanyň bu üstünligi öz kompaniýasyny dünýä meşhur etdi. 1899-njy ýylyň 6-njy martynda patentde “aspirin” sözi ulanyldy. Bu at iki sözden ybarat: asetilden “a” harpy, “Spiraea”-dan bolsa “spir” sözi alyndy.
Hoffman kakasynyň guragyry keseli üçin derman gözleýärkä, bu dermany oýlap tapdy. Häzirki wagtda ählumumy bejeriş häsiýetleri we lukmançylykda giňden ulanylmagy aspirini XX asyryň esasy dermanlarynyň biri diýip atlandyrmaga esas berýär.