Iri sport ýaryşy – 14-nji Dünýä Kuraş çempionaty şu ýylyň 23-nji noýabryndan 28-nji noýabry aralygynda Türkmenistanyň paýtagtynda Olimpiýa şäherçesiniň söweş sungat toplumynda geçiriler. Bu uly ýaryşyň petekleri eýýäm satuwa çykaryldy. Bu barada Halkara habarlar merkezi habar berýär.
Dünýä çempionaty Aşgabatda ýer ýüzüniň iň güýçli pälwanlaryny jemlär. Türkmenistanyň ýaşaýjylary we onuň myhmanlary Olimpiýa şäherçesiniň kassasynda (Biznes merkeziniň golaýynda), Berkarar söwda merkezinde (1-nji gatda), Aşgabat söwda merkezinde (2-nji gatda) petekleri satyn alyp bilerler. Petegiň bahasy 25 manat.
Dünýä çempionatynyň maksatnamasynyň 25-nji noýabrda geçiriljek dabara bilen açyljakdygyny bellemelidiris. Türgenleriň arasyndaky ýaryş 27-nji we 28-nji noýabrda geçiriler.
14-nji Dünýä Kuraş çempionaty gatnaşyjylaryň rekord derejede bolmagyna garaşýar. Ýetip gelýän dünýä çempionatyna gatnaşmak üçin 480-den gowrak adamlar, şol sanda 53 ýurtdan türgenler (241), tälimçiler, eminler we beýleki işgärler gatanşar.