Şu günler Türkmenistanyň Döwlet sirkinde russiýaly sirk artistleri çykyş edýärler. Ýakynda russiýaly myhmanlardan hoş habar gelip gowuşdy.
Türkmenistanda Russiýadan getirilen sirk gaplaňlaryň maşgalasynyň gerimi giňedi. Baş öwredilen Magda atly gaplaň Türkmenistanda täze gaplaň çagalaryny dünýä inderdi. Gaplaň çagalary 28-nji iýulda doguldy. Täze doglan gaplaň çagalarynyň ýagdaýy örän gowy diýip, «Big Cat Show» guramanyň ýolbaşçysy Rostislaw Gawryliw gürrüň berdi.
Täze doglan gaplaň çagalary Arkadag şäheriniň Görogly adyndaky döwlet atçylyk sirkine sowgat berler.
Mälim bolşy ýaly, Türkmenistanda ulanmaga berlen sebitiň ilkinji “akylly” şäheri Arkadag şäheriniň açylyş dabarasy 29-njy iýunda geçirildi. Şol açylyş dabarasynyň yzysüre birnäçe günden soňra Arkadag şäheriniň Görogly adyndaky döwlet atçylyk sirkinde Russiýanyň döwlet sirkiniň, Wernadskiý şaýolundaky Moskwanyň uly döwlet sirkiniň artistleriniň çykyşlary gurnaldy.
Arkadag şäheriniň Görogly adyndaky döwlet atçylyk sirkinde döredilen döwrebap tehnologiýa we yşyklandyryş mümkinçilikleriniň ýerlikli peýdalanylmagy russiýaly sirk ussatlarynyň çykyşlaryna aýratyn öwüşgin çaýdy.