Angliýanyň “Premier Ligada” “2019-2020-nji möwsümiň iň gowy tälimçisi” baýragyna dalaşgärler belli boldy.
“Premier Liganyň” internet sahypasynda ýerleşdirilen habarda, “Liwerpul” toparynyň nemes tälimçisi Jurgen Klopp, “Çelsiniň” iňlis tälimçisi Frank Lampard, “Lester Sitiden” Brendan Rodgers we “Şeffild Ýunaýted” toparyndan Kris Wilder dagy dalaşgär hökmünde görkezildi.
Baýragyň eýesi futbol äleminde ökde hünärmenlerinden düzülen eminlerden we goldawçylar tarapyndan saýlanar.
Futbol söýüjiler üçin “Premier Liganyň internet saýtynda başlan ses berilşik 10-njy awgusta çenli bolar.
Soňky iki möwsümde bu baýraga “Mançester Siti” toparynyň ispan tälimçisi Hosep Guardiola mynasyp bolupdy