Türkmenistanyň Prezidenti Gurbanguly Berdimuhamedow Russiýa Federasiýasynyň Prezidenti Wladimir Putine Kamçatka ülkesinde “An-26” uçarynyň heläkçilige uçramagy hem-de bu betbagtçylygyň köp sanly adam pidalaryna getirmegi zerarly gynanç hatyny iberdi.
“Watan” habarlar gepleşiginde bellenilip geçilişi ýaly, döwlet Baştutanymyz şu agyr pursatda Türkmenistanyň halkynyň we hökümetiniň adyndan, şeýle hem öz adyndan gurban bolanlaryň dogan-garyndaşlaryna hem-de ýakynlarynda ýürekden gynanjyny we medet beriji sözlerini beýan etdi.
Rus metbugatyndaky habarlara görä, Russiýanyň Kamçatka ülkesinde “An-26” kysymly ýolagçy uçary heläkçilige uçrapdy. Bu pajygaly ýagdaý sebäpli Kamçatka ülkesinde 3 günlük ýas yglan edildi. Uçar heläkçiliginde gurban bolanlaryň maşgalasyna 3,5 million rubl möçberinde pul serişdeleri berler.
7-nji iýulda ýyldyzlar näme diýýär? Gündelik Täleýnama