ABŞ-da ýerleşýän “Amazon” korporasiýasy şu ýyl Kaliforniýanyň Los-Anželes şäherinde ilkinji “Amazon Style” egin-eşik dükanyny açar. Bu barada kompaniýanyň web sahypasynda çap edilen metbugat beýanatynda aýdylýar.
– Müşderileriň aýal-gyzlaryň we erkekleriň egin-eşikleriniň, aýakgaplarynyň we esbaplarynyň köp görnüşini tapyp bilýän ilkinji bölek satuw dükanymyz bolan “Amazon Style” dükanyny açýandygymyzdan hoşal” – diýip, metbugat beýanatynda bellenilýär.
Müşderiler “Amazon Shopping” ýöriteleşdirilen programmasynda QR kodlaryny ulanyp, belli bir önümiň ululygy, reňki, şeýle hem beýleki aýratynlyklary barada maglumat alyp bilerler.
Egin-eşik çalşyrylýan otagdaky sensor ekrandan müşderiler özüniň halaýan harytlary saýlap alyp bilerler, dükanyň işgärleri bolsa, şol harytlary müşderä e;’k .al;yrylýan nokada eltip berer.
“Amazon” – elektron söwda, emeli intellekt we multimediýa boýunça ýöriteleşen Amerikanyň kompaniýasydyr.