Futbol boýunça Aşgabat şäheriniň Kubogy ugrundaky ýaryşyň aýgytlaýjy duşuşygynda “Altyn Asyr” bilen “Aşgabat” toparlary duşuşdylar. Bu barada Türkmenistanyň Futbol federasiýasynyň resmi saýtynda bellenilýär.
Ikitaraplaýyn hüjümlerde geçen bu duşuşykda döreden mümkinçiliklerini has ýerlikli peýdalanan “Altyn Asyr” 2:0 hasabynda ýeňiş gazanyp, baş baýraga mynasyp boldy.
Üçünji orun ugrunda geçirilen duşuşykda “Köpetdag” topary “Ahal” toparynyň ýaşlar düzüminden 3:1 hasabynda üstün çykdy.
Paýtagtymyzda geçirilen Aşgabat şäheriniň Kubogy ugrundaky bäsleşikde Milli ligamyzyň toparlarynyň 3-siniň (“Altyn Asyr” , “Aşgabat”, “Köpetdag”) hem-de “Ahal” toprynyň ýaşlar düzüminiň gatnaşandygyy ýatladýarys.
Final
“Altyn Asyr” – “Aşgabat” – 2:0
Gol: 62 Altymyrat Annadurdyýew, 66 Mihail Titow (“Altyn Asyr”)
Duýduryşlar: 75 Baýjan Satlykow, 77 Şatlyk Gurbanow (“Aşgabat”)
Üçünji orun ugrundaky duşuşyk
“Köpetdag” – Ahal II” – 3:1
Gollar: 55, 66 Batyrgylyç Berdiýew, 56 Yhlas Saparmämmedow (“Köpetdag”) – 6 Döwletgeldi Çaryýew (“Ahal II”)
Duýduryşlar: 7 Döwletnazar Omarow, 52 Toýly Batyrow (“Ahal II)