Germaniýanyň “Bawariýa” topary bilen köp sanly kuboklary gazanan Dawid Alaba mundan beýläk Ispaniýanyň “Real Madrid” toparynda futbol ýoluny dowam etdirer. Futbolçy bilen 5 ýyllyk şertnama baglaşyldy.
Goragçy Dawid Alaba täze toparynda ýylda 12 million ýewro gazanar. Ol ozalky topary “Bawariýanyň” düzüminde 12 ýyl çykyş etdi. German toparyny ol erkin agent hökmünde terk etdi.
Alaba german topary bilen 9 gezek Germaniýanyň çempiony, 6 gezek ýurduň kubogyny we 5 gezek Superkubogyny gazandy. Şeýle hem ol “Bawariýanyň” düzüminde çykyş eden döwründe Çempionlar ligasyny, UEFA-nyň Superkubogyny hem-de toparlaryň dünýä çempionatynda ýeňiji boldy.
Alaba “Bawariýanyň” düzüminde 427 duşuşykda oýnap, 33 gezek tapawutlandy.