Saud Arabystanynyň “Al Hilal” topary taryhy rekordy öz adyna ýazdyrdy. Bu topar Aziýanyň Çempionlar ligasynyň 1/4 finalynda “Al-Ittihad” toparyny 2:0 hasabynda utup, resmi duşuşyklardaky bassyr 28-nji ýeňşini gazandy. Şeýlelikde, saud topary resmi duşuşyklarda ýeňilmezek oýunlarynyň sanyny 28-e çykaryp, dünýä rekordyny ýeke-täk eýesi boldy.
Mundan ozal, saud topary Uelsiň “Nýu-Seýnts” toparynyň rekordyny gaýtalady. “Nýu-Seýnts” topary 2017-nji ýylda yzly-yzyna 27 oýunda ýeňiş gazanyp, “Aýaksyň” 44 ýyllyk rekordyny täzeläpdi.
“Al-Hilal” toparynyň bu rekord ugrundaky tagallasy 2023-nji ýylyň sentýabr aýynyň ahyrynda Saud Arabystanyň çempionatynyň 8-nji tapgyrynda “Al-Şabab” toparyny 2:0 hasabynda ýeňmegi bilen başlapdy.
“Al-Hilal” toparynyň düzüminde meşhur futbolçylaryň birnäçesi çykyş edýär. Olaryň hatarynda dünýä belli brazil hüjümçi Neýmar, şeýle hem hüjümçi Aleksandr Mitrowiü, ýarym goragçy Sergeý Milinkowiç-Sawiç, brazil hüjümçi Malkom, goiragçy Renan Lodi, derwezeban Ýassin Bono bar.
Portugal tälimçi Žoeže Žezusyň şägirtleri Saud Arabystanyň çempionatynyň 23-nji tapgyryndan soňra 65 utuk jemläp, birinji orunda barýar.