Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Eýran Yslam Respublikasynyň Prezidenti Masud Pezeşkianyň arasynda telefon arkaly söhbetdeşlik boldy. Onuň dowamynda ikitaraplaýyn hyzmatdaşlygyň möhüm meseleleri boýunça pikir alşyldy. Bu barada “Watan” habarlar gepleşiginde bellenilip geçildi.
Telefon söhbetdeşliginiň başynda türkmen halkynyň Milli Lideri Masud Pezeşkiany hormatly Prezidentimiziň adyndan, hut öz adyndan hem-de Türkmenistanyň halkynyň adyndan Eýran Yslam Respublikasynyň milli güni – Ynkylap güni bilen gutlady.
Türkmen halkynyň Milli Lideri Türkmenistanyň iki ýurduň Daşary işler ministrlikleriniň arasyndaky geňeşmeleriň geçirilmegini goldaýandygyny tassyklap, şu maksat bilen ýakyn günlerde ýurdumyzyň daşary işler ministrini sapar bilen Eýrana ibermegi teklip etdi.
Milli Liderimiz: türkmen tebigy gazyny Eýranyň üsti bilen Türkiýä ibermek boýunça ylalaşyldy