2023-nji ýylyň 27-nji dekabrynda Aşgabat şäherinde Arkadag Serdarly bagtyýar ýaşlar ýylynyň jemlerine bagyşlanan halkara ylmy amaly maslahat we köpugurly sergi geçirildi. Şol geçirilen sergä Türkmenistanyň Anzan neýro arifmetika ugry boýunça hasaba alynan ilkinji milli rekordynyň eýesi Aşgabat şäheriniň dil derslerini çuňlaşdyryp öwredýän 87-nji ýöriteleşdirilen orta mekdebiniň 7 synp okuwçysy Liwanur Berdiýewa we Türkmenistanyň Anzan neýro arifmetika ugry boýunça üç görnüşde 2023 ýylyň milli rekordynyň eýesi Aşgabat şäheriniň 2-nji orta mekdebiniň 7 synp okuwçysy Ogulmaral Altyýewa dagylar gatnaşyp öz gazanan üstünliklerini sergilediler.
Rekord gazanan okuwçylara Halkara MEMORIAD bütündünýä zehin sportlary federasiýasy tarapyndan tassyklaýjy sertifikatlar gowşurylan.
Türkmenistanyň milli rekordyna mynasyp okuwçylary KÄMIL SCIENCE okuw merkeziniň Anzan neýro arifmetika (Anzan Neuro Arithmetic) dersiniň mugallymy, utgaşdyryjysy Döwletmyrat Durdymämmedow taýýarlady.