Britan işewürli Jim Retkliff Angliýanyň “Premýer-liga” çempionatynyň düzüminde çykyş edýän “Mançester Ýunaýted” toparynyň paýnamalarynyň 25 göterimini satyn aldy. Bu ugurdaky geleşigiň bahasy 1,25 milliard funt-sterlinge deň boldy.
Bu babatda Angliýanyň “Premýer-liga” çempionaty bilen ylalaşyk gazanylar. Munuň üçin hem birnäçe hepde gerek bolar.
Retkliffe degişli bolan “Ineos” kompaniýasy “Mançester Ýunaýted” toparynyň futbol amallaryna jogap berer, Kompaniýa futbol topary üçin 300 million dollar maýa goýar. Onuň 200 milliony geleşik güýje girenden soňra tölener. Ýene-de 100 million dollar 2024-nji ýylyň ahyryna çenli berler.
Jim Retkliss “Ineos” himiýa kompaniýasynyň ýolbaşçysydyr. Onuň emälgi 29,6 milliard futn-sterlinge deňdir. Ol Beýik Britaniýanyň iň baý adamlarynyň sanawynda ikinji orunda durýar.
“Mançester Ýunaýted” topary amerikaly Glaýzerler maşgalasynyň ýolbaşçylygyndadyr.