Azerbaýjan Respublikasynyň Prezidenti Ilham Aliýew 2024-nji ýylda geçiriljek nobatdan daşary prezident saýlawlary üçin dalaşgär görkeziler. Ilham Aliýew ýurduň “Eni Azerbaýjan” partiýasynyň dalaşgäri hökmünde saýlawlara gatnaşar.
Bu barada partiýanyň başlygnyyň orunbasary – merkezi geňeşiň ýolbaşçysy Tahir Budagow habar berdi.
Mälim bolşy ýaly, golaýda Azerbaýjanda nobatdan daşary prezident saýlawlarynyň geçiriljekdigi yglan edilipdi. Prezident Ilham Aliýew bu baradaky resminama gol çekdi.
Nobatdan daşary prezident saýlawlary 2024-nji ýylyň 7-nji fewralynda geçiriler.