Paýtagtymyz Aşgabatda geçirilýän Kuraş boýunça dünýä çempionatynda Türkmenistan döwletimiziň türgeni Mariýa Lohowa Dinara Rozykulowadan soňra ýurdumyzyň 2-nji altyn medalyny gazanmak bilen uly üstünligiň hötdesinden geldi.
70 kg agramda çykyş edýän zenan türgenimiz Mariýa Lohowa Eýran Yslam Respublikasyndan gelen türgen Donýa Aghaeni ýeňip, altyn medaly gazanmagy başardy.
Şeýlelikde, dünýä çempionatynda Türkmenistan ikinji altyn medalyny medalyny gazandy.
Şeýle hem bu dünýä çempionatynda Aýşirin Haýdarowa, Aýnur Amanowa, şeýle hem erkek türgenlerimizden Sanjar Abdyrahmanow kümüş medal gazanmagy başardy.
Türkmenistan döwletimiz dünýä çempionatynyň ilkinji gününde 2 altyn we 3 kümüş medal gazanyp, medallaryň sanawynda Özbegistandan soňra ikinji orunda barýar.