Müsürde ilkinji gezek maýmyn mama wirusly kesel hasaba alyndy. Keselhanada karantin edilen 42 ýaşly hassanyň saglyk ýagdaýynyň gowudygy mälim edildi.
Müsüriň Saglygy goraýyş ministrliginiň “Facebook” sahypasynda berlen beýanatda wirusyň ýurduň raýatynyň birinde ýüze çykandygy we bu adamyň keselhanada karantin edilendigi habar berildi.
Beýannamada Ýewropa ýurtlarynda ýaşamak üçin ygtyýarnamasy bolan 42 ýaşly Müsüriň raýatynyň daşary ýurtlara ýygy-ýygydan baryp gelýändigi we näsagyň saglyk ýagdaýynyň gowudygy, gatnaşyk saklan adamlar bilen baglanyşykly zerur çäreleriň görülendigi mälim edildi.
Häzirki wagtda bu wirus bilen kesellänleriň sany 50 müňden geçdi. Russiýa Federasiýasynda bu kesele garşy sanjym işlenip düzülip, synag edilýär.