Zenanlaryň arasynda geçirilýän futbol boýunça Ýewropa çempionatynda finala çykan ýygyndylar belli boldy. Final duşuşygynda Germaniýanyň ýygyndysy bilen Angliýanyň ýygyndysy duşuşar.
Germaniýanyň ýygyndysy ýarym finalda Fransiýanyň ýygyndysyny 2:1 hasabynda, Beýik Britaniýanyň ýygyndysy bolsa Şwesiýany 4:0 hasabynda ýeňdi.
Germaniýanyň ýygyndysy häzirki wagtda çenli 8 gezek Ýewropanyň çempiony boldy. Bu ýygyndy hiç wagt final duşuşyklarynda ýeňilmedi.
Angliýanyň ýygyndysy iki gezek final tapgyryna çykdy, ýöne ikisinde-de – 1984-nji ýylda Şwesiýadan, 2009-njy ýylda Germaniýadan ýeňildi.
Ýewropa çempionatynyň finaly 31-nji iýulda Angliýanyň meşhur Uembli stadionynda geçiriler.